कुसी कुसी जो पंज्जा लक्की। नैहला कुसी कुसी ता तारा ।।

छोरू होये नौ दो ग्यारा।
 खपरे दे तां बज्जे बारा।।
अठां ने कदी सठ नी रल़दे ।
 इक्कियां बाईयां दा लश्कारा।।
 थे पंजा भाईयां पांडवां दे।
 साथ निभाए इक्को नारा।।
 पंज सत नी सोचणा मिल्ले।
वक्तें मारियां लखां मारां।।
इक्को इक दैं हिका सेकां।
 इक इक मिली होण ग्यारा।।
 पंद्रेह सोहल़े छिंज जे आई।
 चोंह फरलांगा पर खन्यारा।।
 वोट तां मिलणा इक्को पाणा।
 पर उम्र चाईदी पूरे ही ठारा ।।
 कुसी कुसी जो पंज्जा लक्की।
नैहला कुसी कुसी ता तारा ।।