शुक्रवार, 12 जून 2009

गजल

कुडियां
कुडियां बाद जे जामियाँ कुडियां ।
जम्दियाँ ही नी गमियां कुडियां ।।
फि मुंडूआं दियां मंगियाँ मनतां ।
पेटा बिच फिरि कमियां कुडियां ।।
हन मुंडू जिहना घरांदे बर्लू ।
उना घरां दियां थमियाँ कुडियां ।।
जे कर्जे तारे कचिया उमरां
बणदियां आइयाँ अमियाँ कुडियां ।।
क्या सौरे , तां क्या प्योके ।
जीतू गेइयाँ रलियाँ कुडियां ।।
जां मिल्ले कुडियां जो मौके ।
भरन उड़ाराँ लम्बियां कुडियां ।।
.........भावुक .......

1 टिप्पणी :