गुरुवार, 4 सितंबर 2014

देवते सोने मढ़ेयो खरे



अनपढ़ां  ते  पढ़ेयो खरे।
पढ़ेयां ते  कढ़ेयो खरे।।

जीणा कितणा छुप छपीतें।
कुतकी कदकी रढ़ेयो खरे।।

छडणा पोणा लुक लकाड़ा।
दड़ेयां  ते अड़ेयो  खरे।।

है पतालेंÞ हंडणा  कितणा।
गास्सें कदकी चढ़ेयो खरे।।

खिट्टां ने नी मुकणा सफरें।
कदकी बैठेयो, खड़ेयो खरे।।

थी जलेब, बजंतरी फाकें।
देवते सोने मढ़ेयो खरे।।

तिसदें अग्गें पेश नी चलें।
वक्तें लक्कड़ घड़ेयो खरे।।

प्रेमां खातर सर कटाणे।
हकां खातर लड़ेयो खरे।।

कोई टिप्पणी नहीं :

एक टिप्पणी भेजें