मंगलवार, 26 जनवरी 2016

नी समझाणी अपनी लाड़ी बडक़ा जी

असां अनाड़ी तुंसा खलाड़ी बडक़ा जी।
सबतों बखरी ठुक तुहाड़ी बडक़ा जी।।
तिस टब्बरे दी हालत माड़ी बडक़ा जी
जिसदा मेड़ी, बड़ा गराड़ी बडक़ा जी।।
सुखें सौणा, इसा गल्ला गठी बन्नी लैह।
नी समझाणी अपनी लाड़ी बडक़ा जी।।
बाड़ां देई जां बचाई गांई-सूअरां तें।।
दित्ती बांदरां फसल उजाड़ी बडक़ा जी।।
हर कुसी ने नी बगाडऩी बडक़ा जी।
सदा नी रखणी खड़ी कयाड़ी बडक़ा जी।।
रुकदी बेशक हड़सर गाड़ी बडक़ा जी।
अपणी तां फुक छतराड़ी बडक़ा जी।।
पल्लैं सबकिछ, किस्मत माड़ी बडक़ा जी।
सै डलहौजी, असां चुआड़ी बडक़ा जी।।
गास्से पर नित ही नी बदलां दी चल्लैं।
निकलैं सूरज बदलां फाड़ी बडक़ा जी।।
इंगलिश तां हुण दुनिया बोलणा लग्गी है।
लिखदा भावुक गीत पहाड़ी बडक़ा जी।।

कोई टिप्पणी नहीं :

एक टिप्पणी भेजें