गजल

चिडियां जो दाणा चाहिदा

बस मुंह ही नि फुलांना चाहिदा .
कदी सिर भी झुकाना चाहिदा ।

कदी सुख दुःख भी लाना चाहिद।
कोई तां अपना बनाना चाहिदा ।।

बन ही नी कटाना चाहिदा ।
कोई बूटा भी लाना चाहिदा।।

हल्ला ही नी पाना चाहिदा ।
कदी हथ भी बंडाना चाहिदा।।


कोई रुसदा मनाना चाहिदा ।
कोई रोंदा हंसाना चाहिदा ।।

कदी दिल भी लगाना चाहिदा ।।
कदी मिटना मिटाना चाहिदा ।।

खाना भी कुछ बचाना चाहिदा।
थोडा दान पुन कमाना चाहिदा।।

नाचना भी कने नचाना चाहिदा ।
पहलें तां गाना बजाना चाहिदा।।

कोई सपना सजाना चाहिदा ।
कोई बंजर बसाना चाहिदा ।।

कुत्ते जो तां मठुनी चाहीदी
चिडिया जो भी दाणा चाहिदा ।।