शनिवार, 6 अप्रैल 2013

अखबारां बिच छपणी तोंदी।।

ठंडियां धारां अपणी तोंदी।
हंडदेंया फिरदेयां नपणी तोंदी।।

नर स्यालैं जोता फसेया।
गैं गैं गद्दियें जपणी तोंदी।।

भर बरसाती बरना अंबरैं।
इसते पहलें तपणी तोंदी।।

सुकणे नलक़े, बांई स्हारे।
अखबारां बिच छपणी तोंदी।।

टब्बरे खातर घाल़ु होया।
नाल़ां खोल़ां खपणी तोंदी।।

खूब स्याल़ें सीतें मारे।
जलेयां भडक़देंया टपणी तोंदी।।

अग्गी बरदा अंबर जाहलू ।
लगदी खड़पी सपणी तोंदी।

कोई टिप्पणी नहीं :

एक टिप्पणी भेजें