बुधवार, 20 अप्रैल 2016

ओहन सकेता थोड़े बैहड़ू ।।

खिल्लेयां खबड़ां जोड़े बैहड़ू।
जुंगल़ेयां तोड़ी दौड़े बैहड़ू।।
अंदां- कच्छां, चुंगां प्रैणीं।
हर फसला ही तोड़े बैहड़ू ।।
गोहरां गलिय़ां,नाल़ां खोल़ां।
मिरगां बड़े मरोड़े बैहड़ू।।
दूंदू -चौगू, बोल़ू- गोरू।
छग्गे-पक्के कौड़े बैहड़ू।।
हालिय़े जाहलू गल्लां लाये।
होये स्याणे छोड़े बैहड़ू।।
सिन्ना सुक्का मुम्हे अग्गें।
मारन नी तरफोड़े बैहड़ू।।
खुंड गडोयें रस्मां ताईं।
ओहन सकेता थोड़े बैहड़ू ।।

कोई टिप्पणी नहीं :

एक टिप्पणी भेजें